Noticias

O tradicional concerto Aquí como en Viena da Banda Municipal de Música de Ribadeo abarrotou o Cine Teatro ribadense onte, sábado. Nesta ocasión os asistentes tiveron que recoller previamente as entradas de balde para evitar aglomeracións e así garantir a seguridade do público.

 

A Banda de Ribadeo estivo dirixida nesta ocasión polo seu titular, David Ballester Martínez, e polo segundo director, Rubén Solloso Irimia, e houbo diferentes bromas e sorpresas, como é habitual neste concerto.

 

As persoas interesadas en asistir ao concerto Aquí como en Viena da Banda Municipal de Música de Ribadeo, que se celebrará o día 30 deste mes, terán que retirar as entradas que se entregarán de balde no Cine Teatro ese mesmo día a partir das seis da tarde. Cada persoa poderá recoller dúas como máximo. Esta decisión adoptouse para evitar aglomeracións e garantir a seguridade e a comodidade dos asistentes.

 

A Banda Municipal de Música de Ribadeo ofrecerá o seu tradicional concerto Aquí como en Viena o sábado 30 de decembro ás 21:00 horas no Cine Teatro. O director da banda, David Ballester, subliña que será unha actuación especial porque estarán moitos músicos que traballan ou estudan fóra de Ribadeo e volven polo Nadal á vila polo que contarán con máis compoñentes do que é habitual.

 

A Banda Municipal de Ribadeo homenaxeou por sorpresa ao seu músico de maior idade, o saxo barítono José Ramón Fernández López, coñecido como Monchín. Foi durante o concerto para festexar Santa Cilla, que se celebrou este pasado sábado no Cine Teatro ribadense. Ademais nesta actuación debutou coa Banda de Ribadeo Manuel Pozo Cota.

 

A Banda Municipal de Música de Betanzos actuou onte no Cine Teatro de Ribadeo convidada pola asociación Amadores da Música, que organizou este concerto coa colaboración do Concello ribadense. Nesa actuación participou o director da Banda de Ribadeo, o betanceiro David Ballester, que tocou o clarinete en cinco das pezas que interpretaron baixo a dirección de Juan Antonio Ferrer Cerveró. E ademais no último tema que tocaron a Banda de Betanzos foi dirixida polo titular da Banda ribadense.

 

Unhas 400 persoas asistiron onte á noite no parque de San Francisco ao concerto de música de cine da Banda Municipal de Ribadeo, que estreou seis pezas nesta actuación dirixida por David Ballester Martínez.

 

Os temas que Banda Municipal de Música de Ribadeo tocou por primeira vez onte son Highlights from Mary Poppins, Colors of the wind (Pocahontas), Toy Story, The sound of music, Highlights from Frozen e La pantera rosa. Tamén interpretaron Hércules e La bella y la bestia.

 

A Banda Municipal de Música de Ribadeo ofrecerá este venres, 25 de agosto, o seu concerto de música de cine que estará dedicado fundamentalmente a películas infantís. Este concerto será ás 22:00 horas no parque de San Francisco. Ademais na Casa do Mar continúa a exposición do 25 aniversario da Banda que se clausurará o sábado 26 de agosto.

 

A Banda Municipal de Música de Ribadeo contou con 68 músicos sobre o escenario no concerto de celebración do seu 25º aniversario, que se celebrou na tarde noite de onte, sábado, no auditorio ao aire libre de Cabanela, que acolleu a numeroso público.