Noticias

A Banda Municipal de Música de Ribadeo trasladou o seu tradicional concerto das Letras Galegas, que a semana pasada foi aprazado polo mal tempo, para este sábado, día 22, ás 20:00 horas no campo de herba artificial do colexio Gregorio Sanz. Será a súa primeira actuación neste ano, se as condicións meteorolóxicas o permiten.

 

O director da Banda ribadense, David Ballester, adiantou que no concerto deste sábado, para celebrar o Día das Letras Galegas, “a gran maioría das pezas que se interpretarán son obras galegas ou de temática galega”.

 

A Banda Municipal de Música de Ribadeo ofrecerá este ano o seu tradicional concerto Aquí como en Viena en dúas sesións, este sábado 26 e o domingo 27, ás 20:30 horas, no auditorio Hernán Naval. As dúas actuacións serán con aforo reducido debido ás restricións sanitarias en vigor. O primeiro dos concertos será só para familiares dos músicos e o segundo para o público en xeral e retransmitirase a través de facebook.

 

A asociación ribadense Amadores da Música celebrará asemblea xeral extraordinaria de socios para a presentación de candidaturas e a elección de nova xunta directiva. Está programada para o 14 de novembro deste ano, sábado, no salón de actos da Casa do Mar de Ribadeo. A primeira convocatoria está fixada para as 20:00 horas e a segunda ás 20:30.

A actual xunta directiva da asociación Amadores da Música, presidida por Elisa Álvarez Amor, está no cargo desde marzo de 2018. 

 

A Banda Municipal de Música de Ribadeo ofreceu onte, venres, o seu primeiro concerto deste ano, no que lembrou as actuacións que tradicionalmente facía durante a primavera e o verán pero que non puido levar a cabo pola pandemia do Covid-19: Letras Galegas, Festival de Bandas, Día de Galicia, festas de San Roque, churrascada no auditorio de Cabanela, concerto de Música de Cine, Ribadeo Indiano e festas da patroa.

 

A Banda Municipal de Música de Ribadeo ofrecerá o seu primeiro concerto deste ano despois de retomar os ensaios en agosto. A actuación, titulada Concerto da normalidade, terá lugar este venres, día 4, as 20:00 horas no campo de herba artificial do colexio ribadense Gregorio Sanz.

 

A Banda Municipal de Música de Ribadeo volveu ensaiar na tarde noite de onte, mércores, despois de 5 meses sen facelo pola pandemia do Covid19. Agora os ensaios son no pavillón polideportivo da rúa Alfredo Deaño para manter as distancias de seguridade. O director da formación, David Ballester, anunciou que teñen a intención de ofrecer un concerto ao aire libre antes de que acabe este verán.