Noticias

A Banda Municipal de Música de Ribadeo ofrecerá este venres, 25 de agosto, o seu concerto de música de cine que estará dedicado fundamentalmente a películas infantís. Este concerto será ás 22:00 horas no parque de San Francisco. Ademais na Casa do Mar continúa a exposición do 25 aniversario da Banda que se clausurará o sábado 26 de agosto.

 

A Banda Municipal de Música de Ribadeo contou con 68 músicos sobre o escenario no concerto de celebración do seu 25º aniversario, que se celebrou na tarde noite de onte, sábado, no auditorio ao aire libre de Cabanela, que acolleu a numeroso público.

 

A Banda Municipal de Música de Ribadeo ofrecerá o día 19 deste mes, sábado, un concerto especial con motivo da celebración do seu 25 aniversario. Terá lugar no auditorio ao aire libre de Cabanela ás 21 horas e varios ex músicos actuarán xunto aos actuais integrantes da Banda. Ese mesmo día pola mañá será inaugurada unha exposición de fotos, instrumentos antigos e outros obxectos na Casa do Mar.

 

As bandas de música de Arca, Luarca e Ribadeo actuaron na vixésimo terceira edición do festival de bandas organizado pola asociación Amadores da Música, que se celebrou o pasado sábado no parque ribadense, evento que contou con numeroso público.

 

Ribadeo acolle o seu tradicional festival de bandas de música mañá, sábado, que contará coas actuacións da formación local e as de Arca, localidade do concello coruñés de O Pino, e a de Luarca (Asturias).

 

O evento, organizado pola asociación Amadores da Música, celebrarase no escenario instalado no parque de San Francisco a partir das sete e media da tarde. Antes as tres bandas participantes ofrecerán un pasarrúas. En caso de choiva o festival trasladarase ao Cine Teatro.

  

 

A Banda Municipal de Música de Ribadeo ofreceu onte, martes, o seu tradicional concerto do Día da Patria Galega e este sábado 29 participará no festival de bandas ribadense que organiza a asociación Amadores da Música e no que actuará xunto ás formacións de Luarca e Arca. 

 

A asociación Amadores da Música está preparando a celebración do 25º aniversario da banda municipal de Ribadeo, que se cumpre este ano. As actividades que xa están programadas son unha exposición sobre a historia da formación e un concerto especial, actuación na que pretenden que participen boa parte dos músicos que pasaron pola formación.

 

A Banda Municipal de Música de Ribadeo, dirixida por David Ballester, ofreceu o seu tradicional concerto das Letras Galegas no Cine Teatro onte, sábado.